Warning: Use of undefined constant setting - assumed 'setting' (this will throw an Error in a future version of PHP) in /home/hqe0tu85kswo/public_html/wp-content/plugins/cite/cite.php on line 105

Puerto Azul

Ang Puerto Azul (Pu·wér·to A·zúl) ay isang pook bakasyunan at resort sa dalampasigan ng bayan ng Ternate, lalawigan ng Cavite, katimugang Luzon. Bahagi ito ng isang nature reserve na may lawak na 3,300 ektarya. Matatagpuan ito sa timog na bahagi ng bukana ng Look Maynila, at katapat ng isla ng Corregidor.

Bukod sa beach at hotel, tampok ng Puerto Azul ang isang golf course na natapos noong 1978. Pinaliligiran ng lungtiang tanawin ang aplaya at mga tirahan. Rurok ng katanyagan ng resort noong dekada otsenta, kung kailan dinadayo ito ng mga nagbabakasyong pamilya, at ng mga negosyante para sa mga kumperensiya. Marangyang resort noon ang Puerto Azul na ekslusibo para sa mga miyembro. Nitóng mga hulíng taon, bahagyang napabayaan ang resort, ngunit tumatanggap pa rin ito ng mga bisita. Maaaring ituring ang kasalukuyang Puerto Azul bilang akma sa panlasa ng mga turistang taga-Maynila at mga karatig lugar na ayaw sa maraming tao at ayaw bumiyahe nang malayò. (PKJ) ed VSA

 

Cite this article as: Puerto Azul. (2015). In V. Almario (Ed.), Sagisag Kultura (Vol 1). Manila: National Commission for Culture and the Arts. Retrieved from https://philippineculturaleducation.com.ph/puerto-azul/