Warning: Use of undefined constant setting - assumed 'setting' (this will throw an Error in a future version of PHP) in /home/hqe0tu85kswo/public_html/wp-content/plugins/cite/cite.php on line 105

kangkóng

Philippine Flora, aquatic plants, plants, water spinach, water morning glory, vegetable, cooking ingredients

Ang kangkóng (Ipomoea aquatic) ay isang halaman na puwedeng pantubig at pangkatihan. Itinatanim ito para sa mga dahon at sanga. Kilalá ito sa wikang Ingles sa pangalang Water Spinach, Water Morning Glory, Water Convolvulus, o sa hindi maliwanag na pangalang “Chinese spinach” at “swamp cabbage.” Sa ibang wika, may iba’t ibang tawag sa halamang ito, tulad ng Phak bung sa Thailand. Matatagpuan ito sa lahat ng tropiko at subtropikong rehiyon sa mundo. Hindi malinaw kung saan ito nagmula. May sukat na 2-3 m (7-10 piye) o higit pa ang katawan nitó, hungkag, at maaaring lumutang sa tubig. Ang mga dahon nitó ay hugis palaso, 5-15 sm (2 -6 pulgada) ang habà at 2 -8 sm (0.8-3 pulgada) ang lapad. Ang mga bulaklak ay nagbibigay ng butó na maaaring gamiting pantanim.

Dahil madalî itong dumami sa mga daanan ng tubig at dahil hindi ito nangangailangan ng maselang atensiyon at pangangalaga, ekstensibo o malawak ang paggamit ng halamang ito sa lutuin.

Karaniwang iginigisa ang kangkóng sa mantika, bawang at sibuyas, at nilalagyan ng sukà at toyo. Tinatawag to na “adobong kangkóng.” Karaniwan ding ginagamit ang kang-kong bilang pansahog sa luto ng isda o karne sa sinigang.

Mayroong pampaganang pagkain na kung tawagin ay “crispy kangkong,” ang kangkóng ay iniluluto sa manteki-lya o margarina hanggang maging malutong at magkulay ginintuang kayumanggi. (SSC)

Cite this article as: kangkóng. (2015). In V. Almario (Ed.), Sagisag Kultura (Vol 1). Manila: National Commission for Culture and the Arts. Retrieved from https://philippineculturaleducation.com.ph/kangkong/