“Anák”

music, OPM, Freddie Aguilar, songs

 

 

Ang “Anák” ay isang awiting Tagalog na isinulat ni Freddie Aguilar. Kabílang ito sa mga nominado para sa kauna-unahang Metropop Song Festival sa Maynila noong 1977. Dahil sa kantang ito, nagkaroon ng kontrata si Aguilar sa VICOR, ang nangungunang record label noon sa Filipinas. Nagkaroon ito ng mahigit 100 cover versions, 27 salin, at inilabas sa 53 bansa, at nakabenta ng 30 milyong kopya. Tungkol ito sa isang anak na inalagaan ng kaniyang mga magulang noong sanggol pa lámang na kalaunan ay napariwara ang búhay. Narito ang unang ba-hagi ng awit:

Noong isilang ka sa mundong ito

Laking tuwa ng magulang mo

At ang kamay nila ang iyong ilaw

At ang nanay at tatay mo’y di

Malaman ang gagawin

Minamasdan pati pagtulog mo

At sa gabi’y napupuyat ang iyong nanay

Sa pagtimpla ng gatas mo

At sa umaga nama’y kalong ka

Ng iyong amang tuwang-tuwa sa iyo

Ngayon nga ay malaki ka na

Nais mo’y maging malaya

Di man sila payag

Walang magagawa

Ikaw nga ay biglang nagbago

Naging matigas ang iyong ulo

At ang payo nila’y sinuway mo.

 

Hango ito diumano sa tunay na búhay ni Freddie Aguilar. Sa gulang na 18, iniwan ni Aguilar ang kaniyang pamilya at huminto sa pag-aaral. Nais ng ama niyang maging abo-gado siya ngunit hindi ito nangyari. Naglakbay si Aguilar sa malalayòng lugar dalá lámang ang kaniyang gitara at noon nagsimulang mapariwara. Isinulat niya ang “Anak” bílang isang paghingi ng kapatawaran sa kaniyang mga magulang. Umuwi siyang muli sa kanilang tahanan at tinanggap siya ng kaniyang mga magulang nang walang anumang samâ ng loob. Napalapit silá sa isa’t isa ng kani-yang ama nang mabasa nitó ang awitin bago sumakabi-lang buhay.